Profil

Paolo Pelucchi

Paolo Pelucchi

Ia sung naschia a Milang igl 1960 e va stibgia all'universitad economia e humanistica.

Digl 1982 anfignen igl 2012 sunga sto interprendeider scu administratour delego dalla firma da famiglia cugl madem nom (la Pelucchi srl SA, spezialisada ainten la fabricaziun da lampas d'utilisaziun d'architectura externa). Ia va adegna am occupo cun process relativs, seia chegl digl sistem da qualitad, seia chegl dall'innovaziun tecnologica.

Igl 1997, siva d'aveir survagnia la certificaziun ISO9001 da Business Coach, vaia realiso en program cun meira sen la participaziun cuntinuada, sen la mutivaziun e sen la carschientscha individuala digls collaboratours.

Siva digl 2013 veiva aint igl cantun Tessin: da chel cantun appreziescha igl ambiaint e las sias belezzas naturalas.

Scu professionist/independent è la gronda part dalla mia veta dedicada alla projectaziun ed alla cunsegliaziun dalla tecnica d'illuminaziun, cun attenziun particulara sen igls studis d'architectura, igls projectists electrics ed igls desingers digl interiour. Pinavant am occupescha cun individuar novas fieras agl Midvest, Africa digl nord ed agl ost lontan.

Cristina Colombo

Cristina Colombo

Ia sung nascheida a Minusio igl onn 1978 e va stibgia all'Accademia di Architettura a Mendrisio.

Siva digl diplom vaia fatg las ampremas experientschas da lavour ainten divers studios d'architectura digl Tessin.

Schi ia va gia ainten chella perioda la pussebladad da m'avischinar agl mond dall'illuminaziun e digl design, igl Know how da Paolo Pelucchi am ò fatg scurveir en mond nov ed an consequenza fatg acceptar ena nova sfida - l'utilisaziun dalla gleisch - tgi am ò dalunga conquisto.

Adegna an collaboraziun cun Paolo, vaia svilupo e persequito ainten chel decenni numerous projects, scu chel digl museum naziunal digl art digl 21avel tschentaner "Maxxi" a Roma, sainza pero amblidar igls mumerous curs da perfecziunamaint frequentos agl Politecnico da Milang.

Igl mond dalla gleisch ò damais piglia igl surmang ainten la mia veta professiunala schi gliunsch tgi, oz ple tgi mai, am fascinescha d'elaborar igls pi diversifitgias projects da tecnica d'illuminaziun per igls collegas ed ameis architects.